АҚШ Әскери-әуе күштерінің екі жоюшы ұшағы Атлант мұхитының үстінде соқтығысып қалды
АСТАНА. Қазанның 16-сы. ҚазАқпарат - Бейсенбі күні Атлант мұхитының үстінде АҚШ Әскери-әуе күштерінің F-16 екі жоюшы ұшағы соқтығысып қалды,
деп хабарлайды Франс Пресс агенттігі американ әскерилерінің мәлімдемелеріне сілтеме жасап.
Оқиға түнгі жаттығу кезінде болған. Жоюшы ұшақтардың бірі Оңтүстік Каролина штатындағы әскери базаға аман-есен қонған. Ал екінші ұшақтың тағдыры туралы ештеңе айтылмай отыр, оның ұшқышы із-түзсіз жоғалғандар санатында.
«Бір ұшқыш іздестірілуде»,- деді АҚШ Әскери-әуе күштерінің сержанты Винсент Музон ақпарат агенттігіне берген сұхбатында. Оның айтуынша, кеше басталған және жұма күні жалғасқан іздеу шараларын АҚШ-тың жағалаудағы күзет командалары жүргізіп жатыр. Алдын-ала мәліметтер бойынша, ұшқыш Чарлестон қаласы орналасқан жағалаудан шамамен 48 шақырымдай жерде жоғалған.
