АҚШ әскери базасы Бішкектегі қызметін тоқтата бастады
БІШКЕК. ҚазАқпарат - Қырғызстанда АҚШ әскери-әуе базасындағы «Манас» транзиттік тасымалдау орталығы (ТТО) ынтымақтастық және қауіпсіздік бөлімін ресми түрде жапты.
ТТО жұртшылықпен байланыс бөлімінің басшысы Макс Диспейн хабарлағандай, Бішкектің халықаралық әуежайында АҚШ ӘӘҚ отын-май құю ұшағын соңғы рет қондырды. Енді Ауғанстанға ұшатын ұшаққа май құю тоқтатылды. Бұдан былай Қырғызстандағы әскери базаға керек-жарақпен жабдықтау және демалу үшін Ауғанстаннан АҚШ-қа бара жатқан ұшақтар ғана қонады.
М. Диспейннің айтуынша, 6 наурыздан бастап ТТО шатырлары біртіндеп жинала бастайды. АҚШ базасы Қырғызстан аумағынан 2014 жылғы 11 маусымға дейін көшіп болуы тиіс. «Манастың» орнына АҚШ Румыния аумағындағы базаны пайдаланбақ.
