АҚШ әскери күштері Үнді мұхитында Иранмен байланысы бар Majestic X кемесін ұстады
АСТАНА. KAZINFORM – АҚШ әскери күштері Үнді мұхитында Иранмен байланысы бар тағы бір «бірегейленбеген» кемені ұстады, деп хабарлайды CBS News.
АҚШ Қорғаныс министрлігінің хабарлауынша, АҚШ қарулы күштері Үнді мұхитында жүзуге рұқсат алмаған және Ираннан мұнай тасымалдаған, туы болмаған Majestic X кемесін тексерді.
Бұл операция Тегеран күштерінің сәрсенбіде Ормуз бұғазында екі коммерциялық кемені басып алуынан кейін ұйымдастырылып отыр. Бір күн бұрын Пентагон АҚШ әскери күштерінің Үнді-Тынық мұхиты қолбасшылығының жауапкершілік аймағында Иранмен байланысты Tifani шикі мұнай танкерін ұстап алғанын хабарлады.
Еске сала кетейік, осыған дейін Ормуз бұғазын минадан тазарту мерзімі жарияланғанын жазған болатынбыз.
