АҚШ Әуе теңіз күштерінің тікұшағы апатынан екі адам ажал құшты
АСТАНА. 9 қаңтар. ҚазАқпарат - АҚШ Әуе теңіз күштерінің MH-53E Sea Dragon тікұшағы Виргиния штаты аумағындағы жағалауда апатқа ұшырады.
Таратылған мәліметке қарағанда, теңізден төрт адам құтқарылды, алайда оның екеуі көз жұмды. Бесінші адам із-түссіз жоғалған.
Апаттың себебі әзірге белгісіз болып отыр. Тікұшақ дағдылы жаттығу мақсатында әуеге көтерілген көрінеді.
