АҚШ билігі үндістерге тарихтағы ең қымбат өтемақыны төлемек
АСТАНА.ҚазАқпарат - АҚШ билігі навахо тайпасына Құрама Штаттардың тарихында үндістерге төленген өтемақының ең көбін - 500 миллионнан астам долларды төлемекші, деп хабарлады «Жаңалықтар» РАА.
Осы шешіммен жарты ғасырға созылған сот процесі аяқталады. Енді Навахо тайпасы АҚШ билігінің Аризона, Нью-Мексико және Юта штаттарының аумағында үндістер қорындағы ресурстарды пайдалануға қатысты талап-арыздарынан бас тартпақ. Навахоның бар жерінің жартысы қазіргі уақытта ауыл шаруашылығы мақсатында газ бен мұнайды өндіруге тапсырылып жатыр.
