АҚШ Білім министрлігі қызметкерлерінің жартысына жуығы қысқартылады
АСТАНА. KAZINFORM — АҚШ Білім министрлігі қызметкерлерінің күрт қысқартылатынын хабарлады, деп жазады NBC News.
1300-ге жуық қызметкер жұмыстан босату туралы хабарлама алады. Тағы 600 адам жұмыстан кету немесе зейнеткерлікке ерте шығу туралы өтініштерді өз еркімен қабылдаған.
Қазіргі уақытта мекеменің Вашингтондағы бас кеңсесінде 3 мыңға жуық адам жұмыс істейді, ал 1 мыңға жуық қызметкер ел бойынша 10 аймақтық кеңседе орналасқан.
Өткен жылы министрлік қызметіне 268 млрд доллар бөлінді, бұл федералды бюджеттің 4 пайызын құрады.
Министрлік сейсенбі күні таратқан мәлімдемесінде қандай лауазымдар мен ведомстволардың жойылатынын жарияламады, бірақ бұл барлық департаментке әсер ететінін хабарлады.
Ведомство «агенттік құзыретіне жататын барлық заңнамалық бағдарламаларды жүзеге асыруды жалғастыратынын» мәлімдеді.
Бұған дейін Трамп федералды қызметкерлерді жұмыстан босату туралы бұйрық бергенін жазған болатынбыз.
