АҚШ бүкіл әлемнен хакерлерді съезге шақырды

АСТАНА. ҚазАқпарат - Американдық Лас-Вегаста 6 тамызда бүкіл әлем хакерлерінің съезі DEF CON ашылады. Олар екі күн ішінде сейфтерді бұзу, интернет-сайттарды істен шығару сынды мәселелер бойынша тәжірибе алмасады.

Хакерлер съезі Лас-Вегаста 23-ші рет өткізіліп отыр. Мұнда заңсыз нәрселер талқыланса да шара аясы кеңейіп келеді. Конференцияны ұйымдастырушылардың бірі Джеф Мосс жасырын кездесулерді компьютерлік қауіпсіздік саласында кәсіби мамандарға арналған белгілі конференцияға айналдырғанына сенімді, деп жазды Российская газета.