АҚШ Конгресі Блинкенді заң шығарушы органға құрметсіздік танытқаны үшін айыптады
АСТАНА. KAZINFORM – АҚШ Конгресі Өкілдер палатасының Сыртқы істер комитеті елдің мемлекеттік хатшысы Энтони Блинкенді заң шығарушы органды құрметтемегені үшін жауапкершілікке тарту мәселесін қарастырмақ. Бұл туралы аталған комитеттің төрағасы, Техас штатынан республикашыл Майкл Маккол мәлім етті. Бұл туралы ТАСС ақпарат агенттігі жазды.
7 наурызда комитет Өкілдер палатасы толық құрамы Блинкенді комитеттің 2023 жылғы шілдедегі күн тәртібін орындаудан бас тартып, сол арқылы Конгреске құрметсіздік танытқаны туралы ұсынысы бар қарарды қарастыру үшін жиналады.
Бұған дейін екі күн бұрын Маккол Мемлекеттік департаментінің Конгреске 2021 жылы Ауғанстаннан АҚШ күштерін шығаруға қатысты қосымша құжаттарды ұсыну талаптарын орындамағаны үшін Блинкенді жауапқа тартуға ниетті екенін айтты.
Мемлекеттік департамент баспасөз қызметінің басшысы Мэттью Миллердің айтуынша, сыртқы саясат ведомствосы бұл мәселені «достық қарым-қатынаста» шешуге тырысты.
«Біз комитетке жүктелген қадағалау функцияларын мойындаймыз және осы себепті оларға мыңдаған беттік құжаттарды тапсырдық», - деді ол брифингіде.
Миллердің айтуынша, Мемлекеттік департамент комитетпен байланыста болып, мәселені 7 наурызға дейін шешуге тырысады.
2023 жылдың маусымында Мемлекеттік департамент 21 беттен тұратын баяндаманы жариялады.
