АҚШ Мемлекеттік хатшысы Джон Керри Қазақстанға келді (ФОТО)
АСТАНА. ҚазАқпарат - Бүгін АҚШ Мемлекеттік хатшысы Джон Керри Қазақстанға келді. Оның сапары 3 қарашаға дейін жалғасады деп күтілуде.
Бұдан бұрын, 1 қарашада АҚШ Мемлекеттік хатшысы Самарқандта Өзбекстан Президенті Ислам Каримовпен кездесті.
АҚШ Мемлекеттік хатшысының Орталық Азияның бес мемлекеті - Қырғызстан, Өзбекстан, Қазақстан, Тәжікстан және Түркіменстан елдеріне сапары күтілуде. Оның сапар аясында осы елдердің жоғары деңгейдегі ресми тұлғаларымен екіжақты келіссөздер жүргізуі көзделген.
Астана қаласында АҚШ мемлекеттік хатшысы АҚШ-Қазақстан Стратегиялық серіктестік диалогы аясындағы төртінші кездесуге қатысып, Назарбаев Университетінде жаһандық мәселелерді шешудегі Орталық Азияның рөлі туралы сөз сөйлейді деп күтілуде.
Еске сала кетсек, Бұл АҚШ Мемхатшысы Джон Керридің Орталық Азияға алғашқы сапары.
