АҚШ Мемлекеттік хатшысы Түркияға барды

АСТАНА. KAZINFORM — АҚШ-тың Мемлекеттік хатшысы Марко Рубио НАТО-ға мүше елдердің сыртқы істер министрлерінің бейресми кездесуіне қатысу үшін Түркияға барды, деп хабарлайды Анадолы.

Іс-шара Анталья қаласында өтеді.

Америкалық сыртқы саясат ведомствосының басшысы Түркияның сыртқы істер министрі Хакан Фиданмен кездеседі деп жоспарланып отыр.

Айта кетейік, бұған дейін Уиткофф Рубиомен бірге жұма күні Стамбулға баратынын растаған болатын.