АҚШ пен Иран арасындағы келіссөздерге қатысатын делегация басшылары белгілі болды

АСТАНА. KAZINFORM – 12 сәуірде өтетін АҚШ пен Иран арасындағы келіссөздерді АҚШ президентінің Таяу Шығыс бойынша арнайы өкілі Стивен Уиткофф пен Иранның Сыртқы істер министрі Аббас Аракчи басқарады. Бұл туралы The New York Times басылымы дереккөздерге сілтеме жасап хабарлады.

Басылым ақпараты бойынша, екі жоғары лауазымды ирандық дипломатпен 2015 жылы ядролық келіссөздерге қатысқан бұрынғы ирандық дипломат Сейед Хоссейн Муссавианның айтуынша, келіссөздер сенбі күні өтеді.

Газет дереккөздері Иранның рухани көшбасшысы аятолла Әли Хаменеидің АҚШ-пен келіссөздерге қатысты ұстанымының өзгергенін де атап өткен. Олардың айтуынша, 7 сәуірде АҚШ президентінің сөйлеген сөзінен кейін Хаменеи тікелей келіссөздерге баруға дайын болуы мүмкін.

Егер 12 сәуірде өтетін жанама келіссөздер өзара құрмет пен тиімділік жағдайында өтсе, тараптар болашақта тікелей диалогқа көшетінін жоққа шығармайды.

Бұған дейін хабарлағанымыздай, Дональд Трамп АҚШ-тың Иранмен тікелей келіссөз жүргізіп жатқанын мәлімдеп, 12 сәуірде өтетін маңызды кездесу туралы жариялады.