АҚШ пен Иран Трамп кезінде дипломатиялық келісімге келуі мүмкін

АСТАНА. KAZINFORM — Вашингтон мен Тегеран «өзара араздыққа» қарамастан, Дональд Трамптың екінші мерзімінде ақыр соңында дипломатиялық келісімге келуі мүмкін. Бұл туралы бейсенбіде Wall Street Journal жазды, деп хабарлайды ТАСС ақпарат агенттігі. 

Атап өтілгендей, Трамптың мемлекет басшысы болған бірінші кезеңінде онымен бірге жұмыс істегендердің кейбірінің АҚШ-Иран қарым-қатынасындағы мұндай дамуды жоққа шығармайды.

Бұл ретте, Пентагонның бұрынғы жоғары лауазымды қызметкері Майкл Малрой басылымға айтқандай, Трамп мәмілелер жасағанды ұнатады, бірақ тек «бұл оның келісімі болса».

Сонымен қатар, The Wall Street Journal ақпарат көздерінің хабарлауынша, Трамп Иранға қарсы санкциялық қысымды байыпты түрде қатайтып, оның мұнай жеткізу мүмкіндігін тоқтатуды жоспарлап отыр. Иран мұнайы жеткізілетін Қытай порттары да санкцияға ұшырауы мүмкін.

«Менің ойымша, сіз санкциялардың қайтарылғанын көресіз және олардың (Трамптың жаңа әкімшілігі — ТАСС) дипломатиялық және қаржылық тұрғыдан Иранды қалай оқшаулауға тырысатынын көресіз», — деді Ақ үйдің бұрынғы қызметкері газетке.

Иран президенті Масуд Пезешкиан бұған дейін мәлімдегендей, Тегеран көршілес және ислам елдерімен серіктестікті кеңейтуге ниетті және ол үшін Американың жаңа көшбасшысы кім болатыны маңызды емес. Иран Ресейді көрші мемлекеттердің бірі деп санайды.

Бұған дейін хабарлағанымыздай, АҚШ акциялары Трамп жеңісі жарияланғаннан кейін көтерілді.