АҚШ президенті мен бірінші ханымы 2022 жылы 580 мың доллар табыс тапты
ВАШИНГТОН. ҚазАқпарат – АҚШ президенті Джо Байден мен бірінші ханым Джилл Байден сейсенбіде 2022 жылғы федералдық табыс салығы бойынша декраларациясын жариялады. Оған сәйкес, жалпы кіріс 579 514 доллар деп көрсетілген. Бұл туралы ҚазАқпарат NBC News-ке сілтеме жасап хабарлайды.
Ерлі-зайыптылар 137 658 доллар федералды табыс салығын төледі, оның мөлшерлемесі 2021 жылы 25% құраған болатын. Олар, сондай-ақ, Делавэрде 29 023 доллар табыс салығын және Вирджинияда Джилл Байденнің жалақысынан Солтүстік Вирджиния қоғамдық колледжінде сабақ бергені үшін 3 139 доллар төледі.
Джо Байден АҚШ президенті ретінде жылына 400 мың доллар жалақы алады және оған Конгресс белгілеген 50 мың доллар шығын үстемесі беріледі.
Байден 2022 жылы 20 қайырымдылық ұйымына 20 180 доллар жарна төлеген, сондай-ақ Бо Байден қорына 5 мың доллар көлемінде қайырымдылық жасаған.
2021 жылы Байдендер 610 702 доллар кіріс туралы хабарлады, бұл 2022 жылғы көрсеткіштен шамамен 31 мың долларға жоғары.
Ақ үйдің мәлімдемесінде Байден биыл 25 жылдық салық декларацияларын көпшілік алдында бөліскен.
