АҚШ-та 48 жыл бұрынғы қылмыс темекі қорабындағы саусақ іздері арқылы ашылды

АСТАНА. KAZINFORM — АҚШ-тың Огайо штатында тұратын ер адамға 48 жыл жыл бұрын әйелді өлтіргені үшін айып тағылды. Ер адам кем дегенде 25 жылға бас бостандығынан айырылуы мүмкін, деп хабарлайды NBC News. 

1977 жылы 24 жастағы Жанетт Ралстон жыныстық зорлық-зомбылыққа ұшырап, кейін буындырып өлтірілгені хабарланды. Оның мәйіті барға жақын жердегі көліктің артқы орындығынан табылған.

Қыздың достары полицияға оның белгісіз ер адаммен бірге бардан шығып кеткенін айтқан.

Санта-Клара округі прокурорының орынбасары Роб Бейкердің айтуынша, құқық қорғау органдары жәбірленушінің көлігінен табылған темекі қаптамасынан табылған саусақ іздерін FBI деректер базасы арқылы тексеріп көрген, бірақ нәтиже болмады. Саусақ іздері өткен жылы бюро іздеу жүйесінің алгоритмдерін жаңартқаннан кейін қайта қаралды.

Анықталған саусақ іздері 69 жастағы Вилли Юджин Симсқа тиесілі болып шықты. Оның ДНҚ-сы Ралстонның саусақ ұшы мен жейдесінде табылған үлгілерге де сәйкес келеді.

Шенеуніктердің айтуынша, Симс 8 мамырда сотта жауап береді. Ол 25 жылдан өмір бойына дейін бас бостандығынан айырылуы мүмкін.

Еске сала кетейік, АҚШ-тан есірткі жеткізген күдікті 16 жылға сотталды.