АҚШ-та Ә. Нұрпейісовтің ағылшын тіліндегі кітаптарының тұсауы кесілді

АСТАНА. 25 мамыр. ҚазАқпарат - Нью-Йоркте БҰҰ жанындағы Қазақстанның Тұрақты өкілдігінің және Қазақстанның Бас консулдығының бастамасымен танымал жазушы, классик және қазақстандық әрі кеңестік әдебиеттің өкілі Әбдіжамал Нұрпейісов туындыларының тұсаукесері өтті.

Қазақстанның және АҚШ тұрғындарының, сондай-ақ БҰҰ-ға мүше мемлекеттердің, азаматтық қоғам мен үкіметтік емес ұйымдар өкілдерінің назарына жазушының «Қан мен тер», «Соңғы парыз» шығармалары ағылшын тілінде ұсынылды. Оларды Кэтрин Фитцпатрик аударған.

Ә. Нұрпейісов шараға қатысушыларға өзінің шығармашылығынан және естеліктерінен сыр шертті.