АҚШ-та атақты мұнайшының мұрагері қайтыс болды
АСТАНА. ҚазАқпарат - Лос-Анджелестегі үйінде «Getty Oil» мұнай компаниясының мұрагері 47 жастағы миллиардер Эндрю Геттидің мүрдесі табылды, деп хабарлады ВВС агенттігі.
Оның неден қайтыс болғаны әлі анықталған жоқ. Полиция тергеу амалдарын жүргізіп жатыр, делінген ақпаратта.
Айта кету керек, Эндрю Геттидің атасы - Пол Гетти заманында АҚШ-тың ең бай адамы деп есептелген. Ол - «Getty Oil» мұнай компаниясының негізін қалаушы. Оның ұлы Гордон Гетти де Forbes нұсқасы бойынша ең бай адамдардың тізіміне еніп, бірнеше опералық шығарманың авторы ретінде де танылған.
