АҚШ-та баға өсіп жатыр, ал инфляция деңгейі бір қалыпты тұр
ВАШИНГТОН. ҚазАқпарат - Сәрсенбі күні жарияланған Еңбек статистикасы бюросының мәліметтеріне сәйкес, тұрғын үй мен азық-түлік бағасының көтерілуіне қарамастан, шілдеде инфляция тұрақты болды, деп хабарлайды ҚазАқпарат тілшісі ABC News арнасына сілтеме жасап.
Еңбек статистикасы бюросы ай сайын инфляцияның қалай өзгеретінін көрсететін Тұтыну бағасының индексін шығарды. Бензин бағасының 7,7%-ға төмендеуіне қарамастан, бұл дефляция азық-түлік пен тұрғын үй бағасының инфляциясы есебінен өтеліп, шілдеде жалпы тұтыну бағаларының индексі өзгеріссіз қалды.
Маусым айымен салыстырғанда тұрғын үйді жалға алу 0,7%-ға, азық-түлік 1%-ға қымбаттады.
Жалпы азық-түлік тауарлары өткен жылдың сәйкес кезеңімен салыстырғанда 10,9%-ға өсті. Жұмыртқа бір жылда 38%-ға қымбаттады, одан кейін маргарин, ұн және май бағасы көтерілді.
Азық-түлікке жатпайтын тауарлар да айтарлықтай өсті. Ас үйдің санитарлық жағдайын сақтауға арналған қолғап бағасы 128%-ға өсті.
Инфляцияға тап болған кәсіпорындар екі түрлі кедергіге ұшырайды. Оларға бағаны көтеру арқылы маржаны төмендету немесе шығындарды азайтуға тура келеді. Технология саласындағы көптеген компаниялар соңғы нұсқаны – қызметкерлерді жұмыстан шығаруды таңдады. Азық-түлік бизнесі шығындардың бір бөлігін тұтынушыларға ауыстыру, азық-түлік тауарларының құнын арттыру арқылы маржаны төмендетеді.
Фото: abcnews.go.com
