АҚШ-та «доңыз тұмауынан» көз жұмғандардың саны 211 адамға жетті
Бұл туралы Ауруларды бақылау және олардың алдын алу жөніндегі ұлттық орталықтың хабарламасында мәлім етілді, деп хабарлайды ҚазАқпарат РБК агенттігіне сілтеме жасап.
Ресми мәліметтер бойынша, тек соңғы аптаның ішінде елде «доңыз тұмауы» салдарынан 41 адам көз жұмған. А(H1N1)тұмауынан ең көп кісі өлімі Нью-Йорк штатында тіркеліп отыр, онда 52 адам қайтыс болған.
Ал осыдан бірер күн бұрын Канадада үш адам А (H1N1) тұмауынан қайтыс болды. Канаданың Денсаулық сақтау министрлігінен хабарлағанындай, елде «доңыз тұмауынан» қайтыс болғандардың саны 36 адамға жетті. Канадада А (H1N1) вирусын жұқтырудың 8 мың 883 оқиғасы тіркелген.
Дүниежүзілік денсаулық сақтау ұйымының мәліметтеріне сүйенсек, шілденің 3-індегі жағдай бойынша әлемде А (H1N1) вирусын жұқтырудың 90 мыңдай оқиғасы тіркелген, оның 382-сі - кісі өлімімен аяқталған.