АҚШ-та Геннадий Головкиннің қолтаңбасы бар заттар кеңінен сатылуда (ФОТО)

АСТАНА. ҚазАқпарат - АҚШ-та қазақстандық боксшы Геннадий Головкиннің қолтаңбасы бар заттар кеңінен сатылуда. Олардың ішінде боксерлік қолғаптан бастап, Головкиннің қолтаңбасы мен суреті басылған футболкалар, кепкалар, тіпті GGG белгісі бар қазақша шапан да бар.

Мысалы, ebay.com сайтында Головкиннің қолтаңбасы бар былғары қолғап 68 АҚШ долларынан бастап, 499 доллар аралығында сатылып жатыр. Ал шапан болса 449 долларға бағаланған. Ал Головкиннің жекпе-жегінің ерекше бейнеленген суреттер 250 долларға бағаланып отыр. Барлығы 280-нен астам жарнама салынған. Сондай-ақ жарнамаға берілген заттардың басым бөлігінде Головкиннің дәл осы затқа қолтаңбасын қойып жатқан сәті де көрсетілген.