АҚШ-та «Мэттью» дауылынан 42 адам көз жұмған

АСТАНА. ҚазАқпарат - АҚШ-та «Мэттью» дауылынан көз жұмғандар саны артуда, соңғы мәліметтер бойынша мерт болғандар саны 42 адамға жетті, деп хабарлайды шетелдік БАҚ.

Солтүстік Каролина штатының губернаторы жергілікті тұрғындарды қауіпсіздік шараларын сақтауға шақырды.

Қаза тапқандардың басым бөлігі - 22 адам  Солтүстік Каролина штатында, сондай-ақ Флорида, Джоржия мен Оңтүстік Каролина штаттарында көз жұмғандар бар.

Айта кетейік, «Мэттью» дауылы осыған дейін Гаити аралында соққан болатын, салдарынан мыңнан аса адам мерт болған.