АҚШ-та музыкалық фестиваль кезінде темірбетонды жабынды опырылып 25 оқушы мертікті
АСТАНА. ҚазАқпарат - АҚШ-тың Солтүстік Каролина штаты Стейтсвилл қаласында мектеп оқушыларының музыкалық фестивалі барысында кеш өтіп жатқан жердегі шатырлы нысанның темірбетонды қалқан жабындысы опырылып түсіп, 25 адамды мертіктірді, олардың дені оқушылар, деп хабарлады «ТАСС» агенттігі.
Құтқару қызметінің хабарлауынша, бастырма қалқан нысанның бір тіреуін жүк көлігі қағып кеткендіктен құлаған. Жапа шеккендердің 16-сы ауруханаға жатқызылды. Оның 3-інің жағдайы өте ауыр. Музыкалық фестивальға қатысуға 10-нан астам мектептен оқушылар жиналған. Оқиға болған кезде шатыр астында бір топ өнер көрсетіп жатқан. Фото: m.statesville.com
