АҚШ-та оймен басқарылатын протез ойлап табылды
АСТАНА. ҚазАқпарат - 40 жыл бұрын қайғылы оқиға кезінде екі бірдей қолынан айырылған Лес Бо оймен басқаруға болатын екі толыққанды роботтандырылған протезді «киген» алғашқы адам болды, деп жазады HiNews порталы.
Емделушінің жасанды қолын қимылдатуы үшін алдымен жүйке тамырларын протезбен қосатын күрделі ота жасалған.
«Бұл - қолдың жүйкесі протезге қосылатын жаңа хирургиялық процедура», - дейді хирург травматолог маман.
Бұдан басқа, емделуші протезді оймен басқаруды үйрететін курстан өтуі қажет. Бұл күрделі ота мен оқытудан кейін адам өз қолын пайдалана алады.
Сауығудың келесі қадамы - роботтандырылған қолдарға үйрену. Енді пациенттің оларды күнделікті өмірде қолдануға үйренуі қажет болады.
