АҚШ-та соңғы 100 жылда болмаған қалың қар түсті
АСТАНА. 23 ақпан. ҚазАқпарат - АҚШ-тың орталық штаттарында соңғы жүз жылда болмаған қар жауды. Жергілікті халық пен қонақтап келген туристер, барлығы 60 миллионнан астам адам қолайсыз ауа райынан зардап шегіп отыр, деп хабарлайды Утро.ру.
Әдетте қалың қар түспейтін Канзас, Миссури, Колорадо, Аризона және Небраска штаттарында 45 сантиметр жауын-шашын түскен. Соңғы рет мұндай жағдай 1912 жылы болған екен.
Осынша қарды күтпеген жергілікті билік көшелер мен жолдарды тазалап үлгермей жатыр. 2 штатта төтенше жағдай енгізілді.
