АҚШ-та ұшатын көліктер шығарыла бастады

АСТАНА. 4 сәуір. ҚазАқпарат - АҚШ-та жеңіл әуе көліктердің сериялы өндірісі басталды.

Америкалық "Террафьюджиа" компаниясы ұша алатын әлемдегі ең алғашқы көлікті сынақтан өткізу жұмыстарын сәтті аяқтады. Ағымдағы жылы сатылымға шығарылатын әлемдік көліктің таныстырылымы жұма күні ашылатын «Нью-Йорк автосалонында» өтеді.

"Транзишн" аталатын көлік екі адамға есептелген. Ұшар кезде ашылатын көліктің қанаттары 8 метрді құрайды. Жерге қонғаннан кейін көліктің қанаттары машинаның бойына жиналады. Көлік 500 метрге дейін аспанда қалықтай алады.

«Ұшқыш» көліктің бағасы 279 мың долларды құрап отыр. 100-ден астам автомобильші келесі жылы "Транзишн" көлігін алғашқы болып иелену үшін кепілдік сомасын тастап кеткен.

Шығарушы компания бұл көлікке шет елдерде сұраныстың артып отырғандығын атап өтті.