АҚШ-та виза берілмей тұрып күдікті тұлғалардың желілердегі жазбалары тексеріледі
АСТАНА. ҚазАқпарат - АҚШ мемлекеттік департаментінің басшысы Рекс Тиллерсон елдің дипломатиялық өкілдеріне виза берерден бұрын күдікті тұлғалардың сондай-ақ ДАИШ террористік тобының аумағында бұрын-соңды болған адамдардың әлеуметтік желілердегі парақшаларын тексеруді тапсырды. Бұл туралы Life.ru Reuters агенттігіне сілтеме жасап хабарлайды.
Агенттіктің дереккөзінің айтуынша, қазіргі таңда ведомство мұндай тексерістерді сирек өткізуде.
БАҚ хабарлағандай, осындай сипаттағы шаралар АҚШ президенті Дональд Трамптың көші-қон саясатын күшейтуге байланысты жүргізілуде. Сондай-ақ, дипломатиялық өкілдерге де виза алуға өтініш білдірушілердің қайсысын тексеру керектігі жөнінде кеңес беріп отыру ұсынылды.
