АҚШ-тағы Аляска штатында аңдар мен адамдар жарысатын фестиваль өтіп жатыр
АСТАНА. ҚазАқпарат - Американың Аляска штатында дәстүрлі қысқы фестиваль басталды. Аңдар мен адамдардың жарысын тамашалау үшін Анкоридже қаласына мыңдаған көрермен жиналды.
Қызықты сайысқа 2500-ден астам адам қатысқалы отыр. 10 тәулікке созылатын фестиваль алғаш рет осыдан 80 жыл бұрын тойланған. Ол кезде шаңғы тебу, хоккей, баскетбол, бокс және шанаға ит жегіп жарысу сияқты додалар ұйымдастырылған. Уақыт өте келе спорттық шаралар ойын-сауық бағдарламасына ауысып, жиналған қауымға қызығы мол мейрамға айналды, деп хабарлайды khabar.kz.
