АҚШ тамыз айында Ауғанстанда 47 жауынгерінен айрылды
АСТАНА. Қыркүйектің 1-і. ҚазАқпарат - Ауғанстанның оңтүстігінде екі жарылыстың салдарынан екі американдық жауынгер қаза тапты,
деп хабарлайды Associated Press агенттігі әскерилердің мәлімдемелеріне сілтеме жасап.
Оқиғаның кеше болғаны ғана мәлім болып отыр, қалған мән-жай хабарланбай отыр.
Осылайша, тамыз айында Ауғанстандағы американ әскерінің шығыны 47 адамды құрады. Естеріңізге сала кетейік, тамыздың 29-ында Ауғанстанда американ әскерилеріне жасалған лаңкестік шабуылдың салдарынан екі бейбіт тұрғын қаза болып, тағы 21 адам жарақат алған еді. Оқиға Забуль провинциясында болды. Жанкештінің мақсаты - базарды шолып жүрген американ сарбаздары болған.
