АҚШ-тың Калифорния штатындағы орман өрттері он жыл ішінде 52 мың мезгілсіз өлімге себеп болды — зерттеу
АСТАНА. KAZINFORM – Жұма күні Science Advances журналында жарияланған жаңа зерттеуге сәйкес, АҚШ-тың Калифорния штатындағы орман өрттерінің түтінінен он жыл ішінде 52 000-нан астам адам мезгілсіз қайтыс болған. Бұл туралы Синьхуа агенттігі хабарлады.
Шамамен 52,480-нен 55,710-ға дейін мерзімінен бұрын қайтыс болғандар 2008 және 2018 жылдар аралығындағы орман өрттерінен туындаған ұсақ бөлшектердің (PM2.5) ластануына байланысты көз жұмғаны белгілі болды. Бұл 432 миллиард АҚШ долларынан 456 миллиард АҚШ долларына дейінгі экономикалық шығынға әкелген.
UCLA зерттеушілерінің мәліметі бойынша, ең қатты зардап шеккен Лос-Анджелес округі болды, дала өртінің түтінінен 9 224 адам мезгілсіз қайтыс болды. Одан кейін Сакраменто округінде 4 147-ден астам адам көз жұмған. PM2.5 әсері әртүрлі денсаулық проблемаларымен, соның ішінде тыныс алу органдарының ауруларымен, жүрек ауруларымен және тіпті мезгілсіз өліммен байланысты екенін көрсеткен.
«Бұл Калифорниядағы өрт түтінінің ұзақ мерзімді денсаулыққа әсерін талдауға арналған алғашқы зерттеу», — дейді авторлар.
Калифорниядағы орман өрті жағдайы, ішінара климаттың өзгеруі нәтижесінде, Калифорниядағы 40 миллионға жуық адамға қауіп төндіруі мүмкін деген пікірде зерттеу авторлары. Олар орман өрттерінің ұзақ мерзімді әсерін азайту үшін агрессивті күш салуға шақырды.
