АҚШ-тың мемлекеттік қарызы тарихта алғаш рет 40 трлн доллардан асты

Сарапшылардың мәліметінше, бұл сома шамамен Қытай, Германия, Жапония, Ұлыбритания және Үндістан экономикаларының жалпы құнымен шамалас.

АҚШ-тың ұлттық қарызы жүктеменің артуы мен пайыздық мөлшерлемелердің өсуіне, сондай-ақ ел халқының қартаюына байланысты әлеуметтік қамсыздандыру мен медициналық көмекке федералдық шығындардың артуына байланысты тез өсіп келеді.

— Американың ЖІӨ-ге қатысты мемлекеттік қарызының арақатынасын қалпына келтіру үшін экономикалық өсімді жеделдете отырып федералдық шығындардағы ысырапшылдық, алаяқтық және теріс пайдалануды азайтуға баса назар аударылды, — деп атап өтті Трамп әкімшілігі.

Алайда сарапшылар мемлекеттік қарыздың қарқынды өсуі қарапайым америкалықтарға да әсер етіп отырғанын айтады. Қарыздың рекордтық деңгейге жетуі ипотека мен автонесие сияқты қарыздардың қымбаттауына әкелуі мүмкін. Сонымен қатар инвестицияға қаражаты азайған кәсіпорындар жалақыны төмендетіп, тауарлар мен қызметтердің бағасын көтеруге мәжбүр болады.

— Егер қазіргі және болашақ ұрпақтың өмір сүру деңгейін жақсартқымыз келсе, заң шығарушылар АҚШ-ты қаржылық тұрғыдан қолжетімді әрі тұрақты жолға түсіру үшін қазірден бастап әрекет етуі керек, — деді АҚШ-тың бюджеттік саясатын зерттейтін Питер Г. Петерс қорының бас директоры Майкл А. Петерсон.

Мемлекеттік қарыздың шамамен үштен бір бөлігі COVID-19 індеті басталғаннан кейінгі екі жылда өсті. Дональд Трамп пен Джо Байденнің тұсында үкімет пандемиямен күресу үшін көп мөлшерде қарыз алды.

Трамп 2025 жылдың қаңтарында екінші рет қызметке кіріскеннен бері АҚШ-тың мемлекеттік қарызы 3,8 трлн долларға өсті. Бұл президенттігінің екі мерзімінде жалпы қарыздың 11,6 трлн долларға өсуіне ықпал етті.

Осыған дейін Дональд Трамп АҚШ-та бензин қымбаттағаны үшін кешірім сұраудан бас тартты.