АҚШ-тың TikTok-ты сатып алу жөніндегі келісімі тоқтатылды
АСТАНА. KAZINFORM – TikTok әлеуметтік желісіне активтерді бөлу бойынша келісім Қытайдың АҚШ президенті Дональд Траммп тарапынан баж салығын енгізуіне байланысты келісім жасаудан бас тартатынын мәлім еткеннен кейін тоқтатылды, деп хабарлайды ресейлік ТАСС.
Бұл туралы дереккөздерге сілтеме жасап Reuters хабарлады.
Атап өтілгендей, келісімді бұрын TikTok-қа иелік ететін қытайлық ByteDance интернет-холдингі мен АҚШ үкіметі мақұлдаған.
Дереккөздің хабарлауынша, келісім бойынша TikTok операциялары АҚШ-та орналасқан және негізінен америкалық инвесторларға тиесілі компанияға өтуі тиіс болатын.
Сондай-ақ келісімге сәтті қол қойылса, ByteDance компаниясының TikTok активтеріндегі үлесі 20%-дан аз болатыны хабарланды.
Еске сала кетсек, 20 қаңтарда Дональд Трамп АҚШ-та TikTok-қа тыйым салуды талап ететін заңның орындалуын 75 күнге кейінге қалдыратын жарлыққа қол қойды.
