АҚШ турнирі: Қазақстандық теннисші Ярослава Шведова жұптық разрядтың ширек финалына шықты
АСТАНА. 4 сәуір. ҚазАқпарат - Қазақстандық теннисші Ярослава Шведова Американың Чарльстонында өтіп жатқан Family Circle Cup-2013 WTA турнирінің жұптық разрядының ширек финалына шықты, деп хабарлады Vesti.kz.
Бірінші айналым матчында қазақстандық теннисші неміс спортшысы Юлия Гергеспен бірге Германия өкілі Анна-Лен Гренефельд пен Словакия теннисшісі Жанетта Гусарованы жеңді, матч есебі - 3:6, 7:6 (8:6), 12:10.
Қазақстан-неміс жұбының келесі қарсыластары америкалық Меган Моултон-Леви және қытайлық Шуай Чжан болады.
Еске салайық, жеке разрядтың бірінші айналым матчында Шведова америкалық теннисші Ван Кингке 6:4, 1:6, 4:6 есебімен жеңілген болатын.
