АҚШ-тың бұрынғы президенті Джордж Буш ауруханаға түсіп қалды
АСТАНА. ҚазАқпарат - АҚШ-тың бұрынғы президенті Джордж Буш Хьюстондағы ауруханалардың біріне түсіп қалды. Оның тыныс алуында қиындықтар болған, деп мәлім етті оның өкілдері. Бұл туралы Би-би-си хабарлады.
Ол ауруханаға аурудың алдын алу мақсатында жатқызылды. 90 жастағы Буш ауруханада тексеруден өтеді. Бұған байланысты басқа мәліметтер әзірге келтірілмей отыр.
Джордж Буш 1989-1993 жылдар аралығында АҚШ-тың 41-ші президенті болды. Бұған дейін ол Рональд Рейганның тұсында вице-президент (1981-1989) және Орталық барлау қызметінің директоры (1976-1977) лауазымдарын атқарды.
