АҚШ-тың орта батысында рекордтық суықтық күтілуде
АСТАНА. 5 қаңтар. ҚазАқпарат - АҚШ-тың орта батысының тұрғындарына рекордтық аяздарға әзірлену жөнінде ескерту жасалды. Метеорологтардың болжамына қарағанда, жексенбі күнінен бастап суық желдің әсерінен ауаның температурасы Цельсий бойынша 50 градусқа дейін төмендеуі мүмкін.
Бұл туралы Би-Би-си хабарлады.
Жергіікті өкімет орындары халықтың мүмкіндігінше үйлерінен шықпауын өтінуде.
Өткен сәрсенбіден бері Канаданың бірқатар аудандары мен АҚШ-тың солтүстік-шығыс жағалауында қарлы боран күшейді.
Табиғаттың тосын мінезі салдарынан 16 адам мерт болып, 5 мыңнан астам авиарейс тоқтатылды.
