АҚШ-тың Жапониядағы әскери базасында жарылыс болды
АСТАНА. ҚазАқпарат - Жапонияның Сагамихара қаласында орналасқан АҚШ әскери базасында жарылыс орын алып, оның арты өртке ұласты.
Бұл туралы Би-би-си жазады.
Алдын ала мәліметтер бойынша, жарылыс америкалық әскери базаның қоймаларының бірінде болған. Оқиға орнында өрт сөндірушілер жұмыс жасап жатыр. Билік таратқан ақпаратқа сүйенсек, жапа шекендер жоқ. Жарылыстың неден болғаны белгісіз.
Әлеуметтік желілерде жарылыстың фотолары мен видеолары жарияланды.
