Ақша айырбастау орындарында доллар 459-463 теңгеден сатылып жатыр

АЛМАТЫ. ҚазАқпарат – Астана мен Алматы қалаларындағы ақша айырбастау пунктерінде доллар 459-465 теңгеден саудаланып жатыр, деп хабарлайды ҚазАқпарат тілшісі.

Kurs.kz деректері бойынша, Астанадағы валюта айырбастау орындарында 1 доллар 459-462 теңгеден сатылып жатыр.

Ал Алматыда доллар бағамы 459,5-463 теңге аралығында құбылып тұр.

27 қаңтар кешкі сауда қорытындысы бойынша, доллардың орташа бағамы 0, 87 теңгеге төмендеп, 460,44 теңге болған.

Ұлттық банктің 30 қаңтардағы ресми бағамы – 1 долларға 460,43 теңге.

Ресей рублінің орташа сараланған бағамы 6,65 теңге болды.

Дәл қазіргі уақытта Алматыдағы ақша айырбастау орындарында Ресей валютасы 6,32-6, 62 теңге аралығында саудаланып жатыр.