Ақтау тұрғыны полицейлерге өзі келіп сақтаған марихуанасын тапсырған

АСТАНА. ҚазАқпарат - Ақтауда бір қорап марихуана сақтаған ер адам ұсталды, деп хабарлайды tumba.kz Ақтау қалалық сотының баспасөз қызметіне сілтеме жасап.

Соттың мәліметтеріне қарағанда, оқиға қаладағы 2-ықшам ауданда, 64-үйдің маңында болған. 22 жастағы ер адам полиция қызметкерлеріне есірткі зат салынған күкірт қорабын ерікті түрде тапсырған. Сараптама кезінде оның ішінде 4 грамм марихуана бар екені анықталған. Оқиға видеобақылау камерасына түсірілген.

Соттың үкімімен азамат М. ҚР ҚК 296-бабының 2-бөлігіне (есірткі заттарды өткізу мақсатынсыз заңсыз сақтау) сәйкес айыпты деп танылып, оған 25 АЕК мөлшерінде айыппұл салынды.

Соттың үкімі заңды күшіне енген жоқ.