Ақтауда 3 көлік соқтығысып, бір жүргізуші ажал құшты
АҚТАУ. ҚазАқпарат - Ақтауда 33 және 34-шағын аудан тас жолында «Тойота Камри», «Geely» және «Hyundai Accent» автокөліктері соқтығысты, деп хабарлайды Қазақпарат тілшісі.
МО Полиция департаменті баспасөз қызметінің хабарлауынша, «Geely» автокөлігінің жүргізушісі алған дене жарақатының салдарынан оқиға орнында қайтыс болды.
«Аталған дерек ҚР ҚК 345-бабының 3-тармағына сәйкес Маңғыстау облысы Полиция департаментінің сотқа дейінгі тергеудің бірыңғай тізіліміне тіркелді. Сотқа дейінгі тергеу амалдары жүргізілуде. Қажетті сараптамалар тағайындалды», - делінген хабарламада.
