Ақтауда 30-дан астам көпбалалы ана алтын мен күмістен алқа тақты
АҚТАУ. ҚазАқпарат - Отбасы күніне орай Ақтау қаласының әкімі Нұрдәулет Қилыбай көпбалалы аналарға 5 алтын және 26 күміс алқа табыс етті, деп хабарлайды ҚазАқпарат қала әкімдігінің баспасөз қызметіне сілтеме жасап.
Қала әкімі ана - адам өміріндегі басты және ең жақын адам екенін атап өтті.
- Құрметті аналар, Сіздерді лайықты марапаттарыңызбен шын жүректен құттықтаймын. Сіздер - нағыз үлгі болатын жансыздар. Бала тәрбиесінде ананың рөлі өте ерекше. Сіздерге денсаулық тілей отырып, еліміздің лайықты азаматы, жақсы және саналы ұрпақ тәрбиелейтіндеріңізге сенімдімін, - деп атап өтті Нұрдәулет Қилыбай.
Қазақстан Президентінің 2022 жылғы 25 шілдедегі жарлығымен 5 көпбалалы ана «Алтын алқа» және 26 көпбалалы ана «Күміс алқа» наградасымен марапатталды.
