Ақтауда автобус жүргізушісіне шабуыл жасалды - оқиғаның бейнежазбасы тарады
АҚТАУ. KAZINFORM – Оқиға 7-шілде күні №2-қоғамдық көлікте болған. Кондуктор автобус жүргізушісіне бара жатқан жолаушыны ұстауға тырысқанымен, ол оған күш бермей жүргізушінің бетінен ұрған. Қоғамдық көліктің жүргізушісі еш себепсіз таяқ жеп, медициналық көмекке жүгінді.
Полиция департаменті баспасөз қызметінің хабарлауынша, осы оқиғаға қатысты «Бұзақылық» фактісі бойынша қылмыстық іс қозғалған. Тергеу жүргізілуде. Күдіктіні ұстауға бағытталған жедел-іздестіру іс-шараларының кешені қабылданды. Тергеу мүддесі үшін өзге де мәліметтер жария етілмейді.
Айта кетейік, былтыр Алматыда №47-ші бағыттағы қоғамдық көліктің ішінде жолаушы жанжал шығарып, жүргізуші әйелді ұрған еді. Салдарынан әйел есінен танып, көлікті басқара алмай, аялдамада тұрған бір топ адамды қаққан болатын.
Аталған оқиғадан 7 адам зардап шегіп, 3 адам қайтыс болды.
