Ақтауда базар маңындағы сауда павильонынан өрт шықты
АҚТАУ. KAZINFORM - Ақтау қаласында «Көк базар» сауда базары аумағында жеке тұрған жеміс павильонынан өрт шықты, деп хабарлайды ҚР Төтенше жағдайлар министрлігінің баспасөз қызметі.
Баспасөз қызметінің мәліметтеріне қарағанда, өрт сағат 21.47-де оқшауланып, сағат 21.52-де сөндірілді. Жалын шарпыған аумақ 50 шапһршы метрді құрады. Зардап шеккендер жоқ.
Өрттің шығу себебі анықталуда.
