Ақтауда Өзбекстан азаматшасы зергерлік бұйымдар контрабандасымен ұсталды
АСТАНА. ҚазАқпарат - Демалыс күндері «Ақтау» халықаралық әуежайының өткізу бекетінде қазақстандық шекарашылар зергерлік бұйымдарды алып өту ісінің жолын кесті, деп хабарлайды «ҚазАқпарат» ХАА ҚР ҰҚК Шекара қызметіне сілтеме жасап.
Шекара жасағы «Ыстанбұл-Ақтау» бағытындағы рейсте зергерлік бұйымдары бар 24 жастағы Өзбекстан азаматшасын ұстады. Ол 30-ға жуық әшекейлерді - жүзік, сырға, алқа және білезікті алып өтпекші болған.
Әшекейлер қол жүгін тексеру кезінде табылған. Құқық қорғау органдары мен Маңғыстау облысындағы әрекеттес органдардың өкілдеріне хабар берілді.
Сондай-ақ, «Алматы - Бейжің» рейсінде декларацияланбаған ақшалай соманы - 10 000 доллар, 3 125 юань және 50 000 теңгені алып өтбек болған 61 жастағы қазақстандықтың ұсталғаны хабарланды.
