Ақтауда Ресей азаматтарын тонағандар ұсталды
АҚТАУ. ҚазАқпарат - Ресей азаматтарының 200 еуросын ұрлап кеткен Ақтаудың екі тұрғыны ұсталды. Бұл туралы Маңғыстау облыстық Полиция департаменті мәлім етті, деп хабарлайды ҚазАқпарат тілшісі.
Оқиға 11 шағынауданның 39-үйінің маңында болған.
«Зардап шегуші тарап аталған оқиға туралы Ақтау қаласы Полиция департаментіне арызданып, шара қолдануын сұраған. Қазір аталған факті бойынша ҚР Қылмыстық кодексінің 191-бабының 2-бөлігімен іс тіркеліп, тергеу жұмыстары жүргізіліп жатыр», - делінген баспасөз мәліметінде.
Тексеру барысында 2 күдікті ұсталып, тергеу изоляторына қамалған.
Ресейліктердің ақшасын ұрлаған Ақтау қаласы тұрғындарының бірі 26 жаста болса, бірі 31 жастағы ер адамдар екені белгілі болды.
