Ақтаудағы концертке 100 мыңға жуық көрермен жиналды
АҚТАУ. KAZINFORM — Халықаралық шараның жоғарыдан дронмен түсірген бейнежазбаларына қарағанда жиналған халықтың саны 100 мыңға жуықтаған.
Жағалаудағы ауқымды концертте Әзербайжанның атақты әншісі Роза Зергерли Istedim әнін орындап, көпшіліктің қошеметіне бөленді.
Сондай-ақ, дрондар шоуы ұйымдастырылды.
Бір мезгілде 600 дрон аспанға көтеріліп, шоу жасады.
Көкте аққулар, ақбөкендер, күн, ай, әйгілі Бозжыра шатқалы, ұлттық аспап — қобыз, жебе мен садақ бейнеленді.
Содан соң, «Ақтау-2025 түркі әлемінің астанасы» деген жазу жазылып, Қазақстанның Мемлекеттік Туы бейнеленді.
Еске салсақ, осыған дейін Ақтау қаласында «Ақтау – Түркі әлемінің мәдени астанасы» гала-концертінің ашылу салтанаты өткенін жаздық.
Сонымен қатар Президент Ақтауға түркі әлемінің мәдени астанасы мәртебесінің берілуімен құттықтады.
