Актер Голливуд блокбастеріндегі рөлі үшін үш күнде 30 мың голланд сөзін жаттап алған
ЛОС-АНДЖЕЛЕС. ҚазАқпарат – Актер Киллиан Мёрфи Кристофер Ноланның «Оппенгеймер» блокбастеріндегі рөлі үшін үш күнде 30 000 голланд сөзін жаттап алған, деп хабарлайды ҚазАқпарат People-ға сілтеме жасап.
Мёрфидің фильмдегі әріптесі – Оскар иегері кіші Роберт Дауни осылай деп мәлімдеді. Дауни Мёрфидың АҚШ-та Екінші дүниежүзілік соғыс кезіндегі атом бомбасын жасауға жетекшілік еткен америкалық физик Дж. Роберт Оппенгеймерді сомдаған рөліне таңғалуда.
«Рөл үшін осындай құрбандыққа барған актерді көрмедім», - деп атап өтті кіші Дауни People журналына берген сұхбатында.
Атом энергиясы бойы комиссия төрағасы Льюис Штраусты сомдаған Даунидің айтуынша, оған Мёрфидің Кристофер Ноланның үш сағаттық эпопеясындағы рөлін «бұлжытпай орындағаны» әсер еткен.
Кіші Даунидің айтуынша, түсірілімдегі үзіліс кезінде Мёрфиге хабарласып, демалыста Санте-Фе қаласына барып қайтуды ұсынған. Оған Мёрфи рөлі үшін 30 000 голланд сөзін жаттауы керегін айтып, уақытты көңілді өткізуін тілеген.
Мёрфи рөлі үшін қатаң диета сақтап, соның арқасында дене бітімі Оппенгеймерге ұқсаған.
Мёрфидің фильмдегі әріптесі Эмили Блант осы рөлі үшін ол күнде тек бадам жегенін мәлімдеген. Мёрфи бұлай арықтауды ешкімге кеңес бермейтінін атап өтті.
