Ақтөбе жылу электр станциясы сатуға қойылды
АСТАНА. ҚазАқпарат - «Самұрық-Энерго» АҚ бірқатар ірі активтерін сату үшін екі сатылы конкурс бастағанын мәлім етті. Яки, ірі акционерлік қоғам өз басқаруындағы «Шығыс Қазақстанның аймақтық энергетика компаниясының» 100 пайыз активін; «Ақтөбе жылу электр станциясы» АҚ-ның 100 пайызын; «Маңғыстаудың электр желісін бөлу компаниясы» АҚ-ның 78.64 пайызын және «ТегісМұнай» ЖШС-ның (Маңғышылақ Мұнай» ЖШС-ын қосқанда) 100 пайызын сатуға шығарды, деп хабарланған компанияның сайтында.
«Шығыс Қазақстанның аймақтық энергетика компаниясы - 9,5 млрд теңгеге; «Ақтөбе жылу электр станциясы - 7,7 млрд теңге; «Маңғыстаудың электр желісін бөлу компаниясы» АҚ-ның 78.64 пайызы 7,3 млрд теңгеге; «ТегісМұнай» ЖШС (Маңғышлақ Мұнай» ЖШС-ын қосқанда) 16 млрд теңгеге сатылмақ.
Конкурс өтетіні туралы ресми хабар «Егемен Қазақстан» мен «Казахстанская правда» басылымдарының 2016 жылғы 24 қарашадағы сандарында жарияланған.
Бұл туралы толық ақпаратты www.samruk-energy.kz сайтынан оқи аласыздар.
