Ақтөбеде ер адам TikTok-та балағат сөз айтқаны үшін қамауға алынды
АСТАНА. KAZINFORM — Ақтөбеде ер адам TikTok-та балағат сөздер айтқаны үшін 5 тәулікке қамауға алынды.
Полиция қызметкерлері TikTok-тағы тікелей эфир кезінде балағат сөздер айтып, әдепсіз ишаралар көрсеткен Ақтөбе қаласының тұрғынын анықтады. Ол 42 жастағы Абдулла Қоңырбаев болып шықты.
Сот шешімімен ер адам 5 тәулік мерзімге әкімшілік қамауға алынды.
Полиция ескертеді: әлеуметтік желілер — бұл қоғамдық кеңістік. Тікелей эфир заң бұзғаны үшін жауапкершіліктен босатпайды.
Атырауда TikTok-та балағат сөз айтқан қыздың анасы жауапкершілікке тартылғанын жазған болатынбыз.
