Ақтөбеде тергеу изоляторында бала зорлау ісінде күдікті өзіне қол жұмсады

АҚТӨБЕ. KAZINFORM – Кәмелет жасқа толмаған баланы зорлады деген күдікке іліккен ақтөбелік тергеу изоляторында өз-өзіне құл жұмсады.

Ақтөбе облыстық ҚАЖД-нің хабарлауынша, күдікті суицид жасаған.

- Ақтөбе қаласындағы тергеу изоляторында 16 жасқа толмаған балаға азғындық жасады деген күдікке іліккен күдікті өз-өзіне қол жұмсады. Одан қандай да бір зорлық-зомбылық белгісі тіркелмеді. Қазір соталды тергеу жүріп жатыр. Сараптама тағайындалды, - деп хабарлады Ақтөбе облыстық қылмыстық атқару жүйесі департаменті.

Департамент оның қай іс бойынша күдікті екенін нақтыламады.

Еске салсақ, Ақтөбеде 14 жастағы қызды туыстары бірнеше жыл бойы зорлап келді деген күдікпен қылмыстық іс қозғалды. Тергеу соты күдіктілерді үйқамаққа жіберуге шешім қабылдаған.