Ақтөбеліктер башқұрт футболшыларымен жолдастық кездесу өткізеді
АЛМАТЫ. 25 ақпан. ҚазАқпарат - Түркияда оқу-жаттығу жиынын өткізіп жатқан "Ақтөбе" мен "Горняк" футбол командалары 28 ақпанда жолдастық кездесу өткізбек.
Башқұртстанның Учалы қаласының "Горняк" командасы қазір Ресей чемпионатының екінші дивизионында "Орал-Поволжье" аймағында 5-орында келе жатыр.
Владимир Муханов жаттықтыратын ақтөбеліктер бұған дейін 23 ақпанда Белорус елінің "Гомель" командасын 3:0 есебімен ойсырата ұтқан болатын. Енді 3 наурызда Запорожье қаласының "Металлург" командасымен күш сынаспақ. 2010/11 жылдары Бірінші лигада топ жарған запорожьеліктер 2011/12 жылғы жаңа маусымды Сергей Зайцевтің бапкерлігімен Украина Премьер-лигасында өткізуде.
Жалпы "Ақтөбе" футбол клубының бұл оқу-жаттығу жиыны 20 ақпанда басталған болатын. Ол 4 наурызға дейін созылмақ.
