Ақжүрек Таңатаров жаңа қызметке тағайындалды

Таңатар
Фото: Облыстық спорт басқармасы

АСТАНА. KAZINFORM – 2012 жылы XXX Лондон олимпиадасында еркін күрестен қола медальға қол жеткізген спортшы Ақжүрек Таңатаров жаңа қызметке тағайындалды.

Нақтырақ айтсақ, Жамбыл облысы әкімдігінің дене шынықтыру және спорт басқармасының «№7 облыстық мамандандырылған балалар- жасөспірімдер спорт мектебі» КММ басшысы болып Таңатаров Ақжүрек Достықұлы тағайындалды.

Таңатаров 1986 жылы 03 қыркүйекте дүниеге келген. Ұлты қазақ, білімі жоғары. 2010 жылы Қ.А. Яссауи атындағы Халықаралық қазақ-түрік университетін «Дене шынықтыру және спорт» мамандығы, 2013 жылы Қ.А. Яссауи атындағы Халықаралық қазақ-түрік университетінде «Құқықтану» мамандығы, 2015 жылы Қ.А.Яссауи атындағы Халықаралық қазақ-түрік университетін «Мемлекеттік және жергілікті басқару» мамандықтары бойынша білім алған.

Еңбек жолын 2006 жылы Астана қаласында ҚР Туризм және спорт министрлігі спорт комитетінің «Ұлттық штаттық командалар және спорт резерві» РМКҚ нұсқаушы- спортшы;

2011 жылы Астана қаласында ҚР Туризм және спорт министрлігі спорт комитетінің «Ұлттық штаттық командалар және спорт резерві» РМКҚ нұсқаушы-спортшы;

2017 жылы Астана қаласы, ҚР Мәдениет және спорт министрлігі Спорт және дене шынықтыру істері комитетінің «Ұлттық штаттық командалар және спорт резерві» РМКҚ нұсқаушы-спортшы;

2018 жылы Тараз қаласында «Жамбыл облысы әкімдігінің дене шынықтыру және спорт басқармасы №5 облыстық мамандандырылған балалар-жасөспірімдер спорт мектебі басшысы;

2021 жылы Тараз қаласы «Жамбыл облысы әкімдігінің дене шынықтыру және спорт басқармасы Олимпиадалық резервтің облыстық мамандандырылған мектеп-интернат-колледжі» КММ басшысы;

2023 жылы Тараз қаласы «Жамбыл облысы әкімдігінің дене шынықтыру және спорт басқармасы бұқаралық-спорттық шаралар өткізу орталығы» КММ басшысы;

2023 жылы Жамбыл облысы әкімдігінің дене шынықтыру және спорт басқармасы бұқаралық-спорттық шаралар өткізу орталығы» КММ басшысы;

2024 жылы Жамбыл облысы әкімінің спортты дамыту жөніндегі кеңесшісі қызметтерін атқарған.

Соңғы жаңалықтар
telegram