Әл-Барадей Мысыр президенті болуға әзір

АСТАНА. 5 ақпан. ҚазАқпарат - Мысыр оппозициясының негізгі қайраткерлерінің бірі Әл-Барадеи, президенттік сайлауға өз кандидатурасын ұсынбайтындығы туралы ақпаратты теріске шығарды,

деп хабарлайды РБК агенттігі.

Бұған дейін бірқатар бұқаралық ақпарат құралдары, Атом энергиясы жөніндегі халықаралық агенттіктің (МАГАТЭ) бұрынғы басшысы Әл-Барадеидің 2011 жылдың қыркүйек айына белгіленіп отырған президенттік сайлауға қатыспайтыны туралы ақпарат таратқан болатын.

«Бұл - жалған ақпарат. Егер мысыр халқы елдегі реформаны менің жалғастырғанымды қаласа, мен олардың үмітін алдай алмаймын», деді Әл-Барадеи Катардың Al Jazeera телеарнасының тілшісіне берген сұхбатында.

Әл-Барадеи елдің қазіргі басшысы Хосни Мүбарактың саясатына қарсылық білдіріп, оны отставкаға кетуге шақырып отырған оппозиция қайраткерлерінің қатарында.